پی ٹی آئی کا قافلہ اسلام آباد کیجانب گامزن، اب تک کون کون گرفتار ہوا؟
پشاور سے اسلام آباد کیلئے روانہ ہونیوالا قافلہ جین مندر پہنچ گیا، پی ٹی آئی پنجاب کے سیکریٹری اطلاعات اور سابق ایم پی اے گرفتار۔پشاور سے اسلام آبادکیلئے روانہ ہونیوالا تحریک انصاف قافلہ جین مندر پہنچنے پر پولیس کی بھاری نفری بھی وہاں پہنچ چکی ہے۔اس موقع پر پولیس نے تحریک انصاف سیکرٹری اطلاعات پنجاب حافظ ذیشان اور سابق ایم پی اے ندیم عباس بارا کو گرفتار کرلیا ہے۔
واضح رہے کہ عمران خان کے حکم پر چوبیس نومبر(آج) کو پی ٹی آئی کی اسلام آباد کیجانب احتجاجی کال کے باعث جڑواں شہروں میں کاروبار زندگی عملاً معطل ہے۔ دونوں شہروں کی مرکزی شاہراہیں، پبلک ٹرانسپورٹ اور فیض انٹرچینج کوبند کر دیا گیا ہے۔جبکہ قانون نافذ کرنیوالے ادارے کسی بھی ناخوشگوار صورتحال سے نمٹنے کیلئے تیار ہیں۔
