صارفین واٹس ایپ اسٹیٹس پر میوزک لگا سکیں گے، نئے فیچر کی تیاریاں
واٹس ایپ صارفین اسٹیٹس پر میوزک لگا سکیں گے، ماہرین کیجانب سے فیچر کی تیاری کا عمل جاری ہے۔میڈیا ذرائع کے مطابق واٹس ایپ پر فیس بک ریلز اور انسٹاگرام ویڈیوز میں میوزک شامل کرنے جیسا فیچر پیش کیا جائیگا جس پر ماہرین کام کر رہے ہیں۔نئے فیچر کے تحت صارفین جب بھی اسٹیٹس یا اسٹوری میں اپنی تصویر یا ویڈیو شیئر کرینگے تو انھیں اس میں میوزک شامل کرنیکا آپشن دیا جائیگا، فیس بک اور انسٹاگرام ریلز اور اسٹوریز کی طرح صارفین کو سٹوریز میں میوزک لگانے کا آپشن دیا جائیگا.جیسے ہی کوئی واٹس ایپ صارف تصویر یا ویڈیو شیئر کریگا. تو ان پاس میوزک یا گانا شامل کرنے کیلیے آپشن سامنے آ جائیگا، صارف گانے کو تلاش کرکے اسے اسٹوری یا اسٹیٹس میں شامل کرسکیں گے۔ اس پر جلد ہی آزمائش کی جائیگی جسکے بعد یہ فیچر صارفین کیلئے دستیاب ہو گا۔
