پاکستان افغانستان کے ساتھ مزید کشیدگی نہیں چاہتا، دفترِ خارجہ
ترجمان دفترِ خارجہ طاہر اندرانی نے کہا ہے کہ پاکستان افغانستان کے ساتھ مزید کشیدگی نہیں چاہتا اور توقع ہے کہ افغان حکومت اپنی سرزمین پاکستان کے خلاف استعمال نہیں ہونے دے گی۔
ہفتہ وار نیوز بریفنگ میں ترجمان نے بتایا کہ وزیراعظم شہباز شریف نے اعلیٰ سطحی وفد کے ہمراہ سعودی عرب کا دورہ کیا، جہاں انہوں نے ریاض میں فیوچر انویسٹمنٹ انیشیٹیو کانفرنس میں شرکت کی۔
Read More..
دورے کے دوران وزیراعظم نے سعودی ولی عہد شہزادہ محمد بن سلمان سے ملاقات کی، جبکہ نائب وزیراعظم اسحاق ڈار نے سعودی وزیرِ دفاع سے اہم ملاقات کی۔
ترجمان کے مطابق پاکستانی وفد نے مختلف ممالک کے وزرائے خارجہ سے بھی دوطرفہ تعلقات اور سرمایہ کاری کے امور پر گفتگو کی۔
