وفاقی وزیر دفاع نے کہا ہے کہ چیف آف ڈیفنس فورسز کی تعیناتی سے متعلق افواہیں اور غیر ضروری قیاس آرائیاں بے بنیاد ہیں، نوٹیفکیشن کا عمل باقاعدہ طور پر شروع کر دیا گیا ہے۔
خواجہ آصف کے مطابق وزیراعظم شہباز شریف وطن واپس پہنچ رہے ہیں اور جلد ہی چیف آف ڈیفنس فورسز کے تقرر کا نوٹیفکیشن جاری کر دیا جائے گا۔
وزیر دفاع نے کہا کہ سی ڈی ایف کے نوٹیفکیشن کے معاملے پر غیر ضروری بحث سے گریز کیا جائے کیونکہ تمام مراحل آئینی طریقہ کار کے مطابق مکمل کیے جا رہے ہیں۔
Read More..
واضح رہے کہ 27ویں آئینی ترمیم کے تحت چیف آف ڈیفنس فورسز کا نیا عہدہ تشکیل دیا گیا ہے، اور پارلیمنٹ کی منظوری کے بعد آرمی چیف فیلڈ مارشل عاصم منیر کو اس منصب کے لیے نامزد کیا گیا ہے، تاہم نوٹیفکیشن تاحال جاری نہیں ہو سکا۔
