کوئٹہ کے علاقے قمبرانی روڈ پر پولیس ناکے کے قریب بم کا زور دار دھماکہ ہوا جس کے نتیجے میں علاقے میں خوف و ہراس پھیل گیا۔ ابتدائی اطلاعات کے مطابق پہلے دھماکے میں فوری طور پر کسی جانی نقصان کی اطلاع نہیں ملی۔
اطلاع ملتے ہی بم ڈسپوزل اسکواڈ، پولیس اور دیگر قانون نافذ کرنے والے ادارے موقعے پر پہنچ گئے۔
اسی دوران دھماکے کی جگہ کا جائزہ لینے کے لیے آنے والی سی ٹی ڈی پولیس کی گاڑی کے قریب دوسرا دھماکہ بھی ہوا، جس کے بعد سکیورٹی فورسز نے علاقے کو گھیرے میں لے کر سرچ آپریشن شروع کر دیا۔
Read More..
دونوں دھماکوں کی نوعیت معلوم کرنے اور ذمہ داروں کا تعین کرنے کے لیے تحقیقات جاری ہیں۔
