اسلام آباد کے علاقے تھانہ گولڑہ کی حدود میں 17 سالہ لڑکی کو اس کے سابقہ منگیتر نے قتل کر دیا۔ مقتولہ کی شناخت عائشہ خان دختر منیر خان کے نام سے ہوئی ہے، جو گولڑہ اسٹیشن کے محلہ سکندر آباد کی رہائشی تھی۔ ذرائع کے مطابق لڑکی کی شادی دو ماہ قبل ضرار علی سے ہوئی تھی۔
ابتدائی اطلاعات کے مطابق عید محمد نامی ملزم، جو مقتولہ کا سابقہ منگیتر بتایا جاتا ہے، آج 28 نومبر 2025 کی شام تقریباً 5 بجے اس وقت گھر میں داخل ہوا جب عائشہ خان تنہا تھی۔ ملزم نے مبینہ طور پر تیز دھار آلے سے کئی وار کر کے اسے قتل کر دیا۔
واقعے کے بعد اہل خانہ گھر پہنچے اور مقتولہ کی لاش اسپتال منتقل کر دی گئی۔ پولیس نے موقع کو سیل کر کے شواہد اکٹھے کر لیے ہیں، جبکہ ملزم کی گرفتاری کے لیے مختلف مقامات پر چھاپے مارے جا رہے ہیں۔
اس لرزہ خیز واقعے نے علاقے میں شدید خوف و ہراس پھیلا دیا ہے۔
