داعش خراسان کمانڈر احسانی عرف انوار افغانستان میں ہلاک
داعش خراسان کا کمانڈر محمد احسانی عرف انوار مزار شریف، افغانستان میں ہلاک ہوگیا۔
ذرائع کے مطابق ستمبر 2025 میں خیبر پختونخوا میں سیکیورٹی فورسز نے ایک آپریشن کے دوران داعش خراسان کے تین دہشت گرد مارے، جن میں ایک افغان شہری بھی شامل تھا۔
احسانی، جو تاجک نسل سے تعلق رکھتا تھا، 2022 میں پشاور کوچہ رسالدار دھماکے کا مرکزی سہولت کار تھا، اس سانحے میں 67 افراد شہید ہوئے تھے۔
Read More..
ذرائع کا کہنا ہے کہ وہ تاجک خودکش بمباروں کو پاکستان منتقل کرنے اور ان کی تربیت فراہم کرنے کا ذمہ دار تھا۔
واضح رہے کہ باجوڑ میں آپریشن ’’سربکف‘‘ تیزی سے جاری ہے، جس میں سیکیورٹی فورسز داعش خراسان اور ٹی ٹی پی کے سہولت کاروں کو نشانہ بنا رہی ہیں۔
