آئی ایم او اسمبلی کے موقع پر سعودی وزیر ٹرانسپورٹ نے وفاقی وزیر بحری امور جنید انوار چودھری سے ملاقات کی، جس میں دونوں ممالک نے میری ٹائم تعاون کو مزید فروغ دینے پر اتفاق کیا۔ جنید انوار چودھری نے بتایا کہ شپنگ اور پورٹ ڈیولپمنٹ میں نئے تعاون پر بات ہوئی اور طویل المدتی میری ٹائم تعاون کے لیے مفاہمت کی یادداشت (MoU) کا مسودہ سعودی وفد کے ساتھ شیئر کیا جائے گا۔
وزیر بحری امور نے کہا کہ “میری ٹائم وژن 2047 کے تحت سرمایہ کاری کے مواقع کا جائزہ لیا جا رہا ہے اور پاکستانی سیفررز کے لیے سعودی جہازوں پر تربیتی مواقع میں مثبت پیش رفت ہو رہی ہے۔” جنید انوار چودھری نے مزید کہا کہ پی این ایس سی اور سعودی البحری کے اشتراک کی تجویز زیر غور ہے، جبکہ کراچی پورٹ اور جدہ اسلامک پورٹ کے لیے سسٹر پورٹ معاہدے پر بھی بات چیت جاری ہے۔ دونوں ممالک نے B2B میری ٹائم تعاون بڑھانے پر بھی اتفاق کیا۔
