پشاور (ویب ڈیسک) خیبرپختونخوا کے دارالحکومت پشاور سمیت ملک کے مختلف علاقوں میں زلزلے کے جھٹکے محسوس کیے گئے، جس کے باعث عوام میں خوف و ہراس پھیل گیا اور لوگ گھروں سے باہر نکل آئے۔
زلزلہ پیماہ مرکز کے مطابق زلزلے کا مرکز افغانستان کے ہندوکش ریجن میں تھا، جبکہ اس کی زیرِ زمین گہرائی 110 کلومیٹر ریکارڈ کی گئی۔
زلزلے کے جھٹکے خیبرپختونخوا کے اضلاع صوابی، سوات، ملاکنڈ اور گلگت بلتستان کے غذر کے علاقے گاہکوچ اور اس کے مضافات میں بھی شدت سے محسوس کیے گئے۔
Read More..
تاحال کسی قسم کے جانی یا مالی نقصان کی اطلاع نہیں ملی۔ مقامی انتظامیہ اور ریسکیو ادارے صورتحال پر کڑی نظر رکھے ہوئے ہیں اور کسی بھی ہنگامی صورتحال سے نمٹنے کے لیے الرٹ ہیں۔
