لکی مروت: سیکیورٹی فورسز کا کامیاب آپریشن، 8 خوارج ہلاک اور 5 زخمی
لکی مروت میں سیکیورٹی فورسز نے خفیہ اطلاعات کی بنیاد پر وانڈہ شیخ اللہ کے علاقے میں کارروائی کرتے ہوئے 8 خوارج کو ہلاک اور 5 کو زخمی کر دیا۔ یہ آپریشن 24 اکتوبر کو انجام دیا گیا، جس میں فورسز نے پیشہ ورانہ مہارت کا بھرپور مظاہرہ کیا۔
سیکیورٹی ذرائع کے مطابق فورسز نے علاقے کو گھیرے میں لے کر آپریشن کیا، جس کے دوران دہشتگردوں کو فرار ہونے کا موقع نہیں ملا۔ اس دوران دہشتگردوں کے قبضے سے بھاری مقدار میں اسلحہ اور گولہ بارود بھی برآمد ہوا۔
ذرائع کا کہنا ہے کہ علاقے میں ممکنہ دہشتگردوں کی موجودگی کے خدشے کے پیش نظر سرچ آپریشن جاری ہے اور سیکیورٹی فورسز علاقے میں امن و امان کی مکمل بحالی تک چوکس ہیں۔
مزید بتایا گیا ہے کہ نیشنل ایکشن پلان کے تحت ملک بھر میں آپریشنز جاری ہیں اور خوارج کے مکمل خاتمے تک یہ کارروائیاں جاری رہیں گی۔لکی مروت: سیکیورٹی فورسز کا کامیاب آپریشن، 8 خوارج ہلاک اور 5 زخمی
