الحمدللہ، پاکستان کیلئے ایک اور گولڈ میڈل
پاکستان کے اولمپیئن ایتھلیٹ ارشد ندیم نے اسلامی یکجہتی گیمز میں جیولن تھرو کے فائنل میں سب سے لمبی تھرو کر کے ملک کے لیے ایک اور گولڈ میڈل جیتا۔فتح کے بعد ارشد ندیم نے سوشل میڈیا پلیٹ فارم ایکس پر کہا:
“الحمدللہ، خوش ہوں کہ پاکستان کے لیے ایک اور گولڈ میڈل اپنے نام کیا۔ سرجری کے بعد مکمل صحت حاصل کرنے کے لیے سخت محنت کر رہا ہوں، لیکن جیتنے کی لگن برقرار ہے۔ آئندہ مقابلوں میں بھی مزید کامیابیاں آئیں گی، ان شا اللہ۔”
سعودی عرب میں منعقدہ اسلامی یکجہتی گیمز کے جیولن تھرو فائنل میں 7 ایتھلیٹس شریک تھے۔ ارشد ندیم نے اپنی تھروز میں درج ذیل فاصلہ طے کیا:
پہلی تھرو: 75.44 میٹردوسری تھرو: 83.5 میٹر,تیسری تھرو: 82.48 میٹر,چوتھی تھرو: 77.6 میٹر,پاکستان کے محمد یاسر نے دوسری پوزیشن حاصل کی اور چاندی کا تمغہ جیتا، جن کی بہترین تھرو 74.40 میٹر رہی۔
ارشد ندیم نے سرجری کے بعد محنت جاری رکھتے ہوئے یہ کامیابی حاصل کی اور کہا کہ وہ آئندہ مقابلوں میں بھی ملک کے لیے مزید کامیابیاں لانے کے لیے پرعزم ہیں۔
