واشنگٹن میں پاکستان کی کرپٹو سفارت کاری نے نئی تاریخ رقم کردی۔ برطانوی جریدے فنانشل ٹائمز کے مطابق فیلڈ مارشل سید عاصم منیر کی حکمتِ عملی اور کرپٹو اقدامات نے پاکستان کو عالمی سطح پر غیر معمولی پذیرائی دلائی ہے۔
رپورٹ کے مطابق امریکہ اور پاکستان کے تعلقات میں غیر متوقع بہتری دیکھنے میں آ رہی ہے، یہاں تک کہ ٹرمپ انتظامیہ کے قریبی حلقوں میں پاکستان کے لیے نرم گوشہ پیدا ہوا ہے، جبکہ بھارت اس صورتحال پر شدید برہم ہے۔
ماہرین کا کہنا ہے کہ کھربوں ڈالر مالیت کے معدنی وسائل کی ٹوکنائزیشن اور کرپٹو پالیسیوں نے عالمی سرمایہ کاروں کی توجہ پاکستان کی طرف مبذول کر دی ہے۔ اسی دوران ورلڈ لبرٹی فنانشل اور پاکستان کرپٹو کونسل کے مابین لیٹر آف انٹینٹ پر دستخط نے سرمایہ کاری کے نئے باب کھول دیے ہیں۔
وزیرِ مملکت برائے کرپٹو اینڈ بلاک چین بلال بن ثاقب نے واشنگٹن میں اہم تجارتی مذاکرات کے دوران پاکستان کی صلاحیتوں کو امریکی مشیروں اور ٹرمپ کے قریبی حلقوں کے سامنے بھرپور انداز میں پیش کیا، جسے بے حد سراہا گیا۔
ماہرین کا کہنا ہے کہ یہ اقدامات پاکستان کو خطے میں نئی معاشی طاقت بنانے کی سمت میں سنگِ میل ثابت ہوں گے۔
