سعودی حکومت نے حج 2026 کے لیے بیماری کے شکار عازمین پر پابندیاں عائد کرتے ہوئے ڈپورٹ کرنے کی پالیسی بھی نافذ کر دی ہے۔ سعودی وزارت مذہبی امور کے مطابق جو عازمین صحت کی معیاری شرائط پر پورا نہیں اُتریں گے، انہیں سعودی عرب سے واپس بھیج دیا جائے گا اور واپسی کا خرچ عازمین خود برداشت کریں گے۔
وزارت صحت نے واضح کیا ہے کہ درج ذیل افراد حج نہیں کر سکیں گے:
گردے کے مریض اور ڈائیلاسز کے شکار
دل کی شدید بیماریاں رکھنے والے جو مشقت برداشت نہ کر سکیں
پھیپھڑوں اور جگر کے مریض
شدید اعصابی، نفسیاتی امراض، کمزور یادداشت، شدید معذوری یا ڈیمنشیا کے شکار
شدید بڑھاپے، الزائمر، پارکنسن یا رعشہ کے مریض
حاملہ خواتین اور کالی کھانسی، تپ دق، وائرل ہیمورجک فیور کے مریض
کینسر کے مریض
وزارت مذہبی امور نے کہا کہ حج پر روانگی سے قبل میڈیکل افسر کسی بھی بیمار عازم کو سفر سے روکنے کا حق رکھیں گے، اور سعودی حکام کی مانیٹرنگ ٹیم فٹنس سرٹیفیکیٹ کی تصدیق کرے گی۔ مقررہ طبی معیار پر پورا اترنے والے ہی حج کے لیے روانہ ہو سکیں گے۔
