بھارتی چیف آف ڈیفنس اسٹاف جنرل انیل چوہان نے دفاعی صنعت پر عدم اعتماد کا اظہار کرتے ہوئے کہا ہے کہ بھارتی فوج کو وقت پر اسلحہ فراہم نہ ہونا قومی سلامتی کے لیے سنگین خطرہ ہے۔ ان کے مطابق دفاعی اصلاحات یک طرفہ نہیں ہوتیں، صنعت کو اپنی اصل صلاحیت کے بارے میں حقیقت بیان کرنی ہوگی۔
بھارتی میڈیا کے مطابق جنرل چوہان نے کہا کہ “اگر آپ معاہدے کے مطابق ہتھیار تیار نہیں کرتے اور وقت پر ڈیلیوری نہیں دیتے تو یہ ہماری صنعتی صلاحیت کی ناکامی ہے۔” انہوں نے زور دیا کہ بہت سی کمپنیاں اپنی مصنوعات کو 70 فیصد مقامی قرار دیتی ہیں، لیکن حقیقت اس کے برعکس ہے۔
واضح رہے کہ مودی حکومت کے دور میں اربوں روپے کے فنڈز لینے کے باوجود بھارتی دفاعی کمپنیاں بروقت ہتھیار فراہم کرنے میں ناکام رہی ہیں۔
جنرل انیل چوہان کی یہ کھلی تنقید نہ صرف بھارتی فوج کی داخلی بدانتظامی اور ناقص منصوبہ بندی کو ظاہر کرتی ہے بلکہ خطے میں بھارت کی ناکام ملٹری ماڈرنائزیشن اور اندرونی کمزوریوں کو بھی نمایاں کرتی ہے۔
