حکومت نے آئندہ 15 روز کے لیے پیٹرولیم مصنوعات کی نئی قیمتوں کا اعلان کر دیا ہے۔ وزیراعظم کی منظوری کے بعد پیٹرولیم ڈویژن نے قیمتوں میں ردوبدل کا باضابطہ نوٹیفکیشن جاری کر دیا ہے۔
حکومتی اعلامیے کے مطابق پیٹرول کی فی لیٹر قیمت برقرار رکھی گئی ہے، جبکہ ہائی اسپیڈ ڈیزل کی قیمت میں 14 روپے فی لیٹر کمی کی گئی ہے۔ حالیہ کمی کے بعد ہائی اسپیڈ ڈیزل کی نئی قیمت 265 روپے 65 پیسے فی لیٹر مقرر کر دی گئی ہے، جبکہ پیٹرول بدستور 263 روپے 45 پیسے فی لیٹر میں دستیاب رہے گا۔
Read More..
نوٹیفکیشن کے مطابق نئی قیمتوں کا اطلاق رات 12 بجے سے ہوگا اور یہ قیمتیں آئندہ 15 روز تک نافذ العمل رہیں گی۔
