یونان میں پاکستانی سفارتخانے میں خصوصی سیل قائم

یونان میں پاکستانی سفارتخانے میں خصوصی سیل قائم

پرائم منسٹر شہباز شریف کی ہدایت پر یونان میں پاکستانی سفارتخانے میں ہنگامی صورتحال سے نمٹنے کے لیے خصوصی سیل قائم کردیا گیا۔گزشتہ روزکشتی الٹنے کے افسوسناک واقعے میں متاثرہ (47) پاکستانیوں کی نشاندہی کرکے انھیں ریسکیوکرلیا گیا۔ یونان میں پاکستانی سفارتخانہ ریکیسوکئے گئے افراد اوران کے اہل خانہ کے مابین روابط اورانکی مدد کیلئے سرگرم ہے۔

وزیرِاعظم کی ہدایت پرنائب وزیرِاعظم و وزیرِخارجہ محمد اسحاق ڈار واقعےمیں متاثرہ پاکستانیوں کی نشاندہی و مدد کی سرگرمیوں کی خود نگرانی کررہے ہیں۔وزیرِاعظم کے فوری نوٹس پرپاکستانی سفارتخانے نے یونانی حکومت کے متعلقہ اداروں کو خط لکھ دیا ہے، خصوصی سیل یونانی جزیرے کے قریب کشتی ڈوبنے کے واقعے میں پاکستانیوں کی شناخت اورورثا کی اپنے پیاروں تک رسائی یقینی بنائیگا۔

یونان میں پاکستانی سفارتخانے نے کشتی ڈوبنے کے افسوسناک واقعے میں پاکستانیوں کی شناخت کیلئے +30-6943850188 پر واٹس ایپ کی سہولت فراہم کردی ہے۔وزیراعظم کا کہنا ہے کہ مشکل کی اس گھڑی میں مجھ سمیت پوری قوم کی ہمدردیاں حادثے کا شکار پاکستانیوں اور ان کے اہل خانہ کیساتھ ہیں۔

معصوم شہریوں کو ورغلا کر انسانی اسمگلنگ کے مزموم فعل میں شریک عناصر کو کیفرکردارتک پہنچایا جائے گا۔انہوں نے کہا کہ واقعے میں متاثرہ افراد اور انکے اہل خانہ کی حکومت پاکستان اور یونان میں پاکستانی سفارتخانہ ہر ممکن معاونت کرے گا۔