سندھ حکومت کا دیوالی پر 2 روزہ تعطیلات کا اعلان
کراچی (اسٹاف رپورٹر) سندھ حکومت نے ہندو برادری کے مذہبی تہوار دیوالی کے موقع پر 20 اور 21 اکتوبر (پیر اور منگل) کو دو روزہ تعطیلات کا اعلان کر دیا۔
محکمہ سروسز، جنرل ایڈمنسٹریشن اور کوآرڈینیشن کی جانب سے جاری نوٹیفکیشن کے مطابق یہ تعطیلات صرف سرکاری، نیم سرکاری اور بلدیاتی اداروں میں کام کرنے والے ہندو ملازمین کے لیے ہوں گی، تاکہ وہ اپنے اہلِ خانہ کے ساتھ دیوالی کی خوشیاں منا سکیں۔
Read More..
اعلامیے میں مزید کہا گیا ہے کہ اگر مقررہ تاریخوں میں کسی تعلیمی ادارے کے امتحانات شیڈول ہیں تو انہیں بعد ازاں دوبارہ ترتیب دیا جائے گا۔
یہ نوٹیفکیشن چیف سیکریٹری آصف حیدر شاہ کے دستخط سے جاری کیا گیا، جس کی نقول متعلقہ سرکاری محکموں اور اداروں کو کارروائی کے لیے ارسال کر دی گئی ہیں۔
