ملک میں پیٹرولیم مصنوعات کی قیمتوں میں نمایاں کمی کا امکان
اسلام آباد (ویب ڈیسک) — مہنگائی کے دباؤ میں پسے عوام کے لیے خوشخبری ہے کہ ملک میں آئندہ 15 روز کے لیے پیٹرولیم مصنوعات کی قیمتوں میں نمایاں کمی متوقع ہے۔
ذرائع کے مطابق 16 اکتوبر سے پیٹرول کی قیمت میں 6 روپے 10 پیسے فی لیٹر، ہائی اسپیڈ ڈیزل میں 97 پیسے، مٹی کے تیل میں 2 روپے 75 پیسے، اور لائٹ ڈیزل آئل میں 1 روپے 64 پیسے فی لیٹر کمی کا امکان ہے۔
پیٹرولیم انڈسٹری نے اپنی ورکنگ مکمل کر کے اوگرا کو ارسال کر دی ہے۔ اوگرا آج شام پیٹرولیم مصنوعات میں ردوبدل کی سمری پیٹرولیم ڈویژن کے ذریعے وزارتِ خزانہ کو بھیجے گی۔
ذرائع کے مطابق وزارتِ خزانہ وزیراعظم سے مشاورت کے بعد کل نئی قیمتوں کی حتمی منظوری دے گی۔
Read More..
