وزیرِاعظم شہباز شریف شرم الشیخ امن سربراہی اجلاس میں شرکت کیلئے مصر پہنچ گئے
شرم الشیخ (ویب ڈیسک) وزیرِاعظم محمد شہباز شریف امریکی صدر ڈونلڈ ٹرمپ اور مصری صدر عبدالفتاح السیسی کی خصوصی دعوت پر شرم الشیخ پہنچ گئے۔
شرم الشیخ ایئرپورٹ پر مصری وزیر برائے یوتھ و اسپورٹس ڈاکٹر اشرف صبحیی، پاکستان کے مصر میں سفیر عامر شوکت اور دونوں ممالک کے اعلیٰ سفارتی حکام نے وزیرِاعظم کا پرتپاک استقبال کیا۔
Read More..
وزیرِاعظم شرم الشیخ میں منعقدہ غزہ میں جنگ بندی کے لیے امن سربراہی اجلاس میں شرکت کریں گے۔ ان کے ہمراہ نائب وزیرِاعظم و وزیرِخارجہ محمد اسحاق ڈار اور وزیرِ اطلاعات و نشریات عطاء اللہ تارڑ پر مشتمل وفد بھی موجود ہے۔
وزیرِاعظم شہباز شریف امریکی صدر ڈونلڈ ٹرمپ، مصری صدر عبدالفتاح السیسی، امیرِ قطر شیخ تمیم بن حمد الثانی اور ترکیہ کے صدر رجب طیب ایردوان کے درمیان ہونے والے غزہ امن معاہدے پر دستخط کی تقریب میں خصوصی شرکت کریں گے۔
