اسلام آباد سمیت ملک کے مختلف علاقوں میں زلزلے کے شدید جھٹکے

12 اپریل 2025 بروز ہفتہ دوپہر 12 بج کر 31 منٹ پر ملک کے مختلف علاقوں میں زلزلے کے شدید جھٹکے محسوس کیے گئے۔ محکمہ موسمیات پاکستان (PMD) کے مطابق زلزلے کی شدت ریکٹر اسکیل پر 5.5 ریکارڈ کی گئی۔

زلزلے کی گہرائی 12 کلومیٹر زیر زمین تھی جبکہ مرکز راولپنڈی سے 60 کلومیٹر شمال مغرب میں واقع تھا۔ زلزلے کے جھٹکے اسلام آباد، راولپنڈی، ایبٹ آباد، ہری پور، مری، مانسہرہ اور گردونواح میں محسوس کیے گئے جس سے لوگوں میں خوف و ہراس پھیل گیا اور وہ کلمہ طیبہ کا ورد کرتے گھروں اور دفاتر سے باہر نکل آئے۔تاحال کسی جانی یا مالی نقصان کی اطلاع موصول نہیں ہوئی۔ محکمہ موسمیات نے عوام کو افواہوں سے گریز کرنے اور آفٹر شاکس کے پیش نظر احتیاطی تدابیر اختیار کرنے کی ہدایت کی ہے۔