انسٹیٹوٹ آف انٹرنیشنل فنانس (IIF) کی رپورٹ کے مطابق 2025 میں عالمی قرض میں نئی لہر دیکھی گئی ہے۔ رپورٹ میں بتایا گیا ہے کہ سال کے ابتدائی نو ماہ میں دنیا کے قرض میں 26 ہزار ارب ڈالر کا اضافہ ہوا، جس کے نتیجے میں مجموعی قرض 3 لاکھ 46 ہزار ارب ڈالر تک پہنچ گیا۔
رپورٹ کے مطابق غیر مالیاتی کارپوریٹس کا قرض بھی بڑھ کر 1 لاکھ ارب ڈالر تک جا پہنچا ہے۔ عالمی قرض میں اضافے کی وجوہات میں مصنوعی ذہانت (AI) اور صاف توانائی کی بڑھتی ہوئی ضروریات شامل ہیں، جو آئندہ برسوں میں عالمی مارکیٹ کے ڈھانچے کو تبدیل کرنے کی صلاحیت رکھتی ہیں۔
مزید برآں، دنیا کے گھریلو قرض میں بھی 4 ہزار ارب ڈالر کا اضافہ ہوا، اور یہ مجموعی طور پر 64 ہزار ارب ڈالر تک پہنچ گیا ہے۔
IIF کی رپورٹ کے مطابق بڑھتا ہوا قرض عالمی معیشت کے لیے چیلنجز پیدا کر رہا ہے، اور سرمایہ کاروں اور حکومتوں کو مالی پالیسیوں میں محتاط رہنے کی ضرورت ہے۔
