صارفین کیلئے خوشخبری، ملک بھر میں بجلی سستی کردی گئی
صارفین کیلئے خوشخبری، ملک بھر میں بجلی سستی کردی گئی
نیپرا نے ملک بھر کے صارفین کے لیے ماہانہ ایڈجسٹمنٹ کی مد میں بجلی کی قیمتوں میں کمی کا نوٹی فکیشن جاری کر دیا ہے۔ اس کے مطابق کراچی میں بجلی کی قیمت فی یونٹ 4 روپے 3 پیسے کم کی گئی ہے، جبکہ ملک کے دیگر شہروں میں بجلی کی قیمت میں 50 پیسے فی یونٹ کمی کی گئی ہے۔
نیپرا کی جانب سے یہ کمی صارفین کو جولائی کے بجلی کے بلوں میں ریلیف کی صورت میں ملے گی۔ کے-الیکٹرک کے لیے اپریل 2025 کی ایڈجسٹمنٹ میں قیمت کم کی گئی ہے، جبکہ باقی ملک میں مئی 2025 کی ایڈجسٹمنٹ کے تحت بجلی کی قیمتوں میں کمی کی گئی ہے۔
نیپرا نے بتایا کہ کے-الیکٹرک نے اپریل کی ایڈجسٹمنٹ میں 4 روپے 69 پیسے فی یونٹ کمی کی درخواست کی تھی، جب کہ سی پی پی اے نے مئی کی ایڈجسٹمنٹ میں 10 پیسے فی یونٹ اضافے کی تجویز دی تھی۔ تاہم سرکاری ڈسکوز صارفین کے لیے فی یونٹ 50 پیسے کی کمی کی گئی ہے۔
