سبی میں ریلوے ٹریک کےقریب دھماکا،جعفرایکسپریس بال بال بچ گئی

سبی میں ریلوے ٹریک کےقریب دھماکا،جعفرایکسپریس بال بال بچ گئی

سبی: پشاور سے کوئٹہ جانے والی جعفر ایکسپریس سبی کے قریب دھماکے سے بال بال بچ گئی۔ ریلوے حکام کے مطابق دھماکا اس وقت ہوا جب ٹرین اسٹیشن سے کچھ فاصلے پر موجود تھی۔

حکام کا کہنا ہے کہ دھماکا ریلوے ٹریک سے تقریباً دو سے ڈھائی فٹ کے فاصلے پر ہوا، تاہم واقعے میں کسی جانی یا مالی نقصان کی اطلاع نہیں ملی۔

سیکیورٹی فورسز نے جائے وقوعہ کو گھیرے میں لے کر تحقیقات کا آغاز کر دیا ہے، اور دھماکے کی نوعیت جاننے کی کوشش کی جا رہی ہے۔

ریلوے انتظامیہ کے مطابق جعفر ایکسپریس کو سبی اسٹیشن سے کوئٹہ روانہ کر دیا گیا ہے، جبکہ کوئٹہ سے پشاور جانے والی ٹرین بھی جلد روانہ کر دی جائے گی۔