کوئٹہ: بلوچستان حکومت نے سیکیورٹی خدشات کے پیشِ نظر پاکستان تحریکِ انصاف (پی ٹی آئی) کے کوئٹہ جلسے کی اجازت مسترد کر دی ہے۔ سرکاری ذرائع کے مطابق شہر میں دفعہ 144 نافذ ہے، جس کے تحت پانچ سے زائد افراد کے اجتماع پر پابندی ہے۔
پی ٹی آئی نے 7 نومبر کو جلسے کا اعلان کیا تھا، تاہم موجودہ سیکیورٹی صورتحال کے باعث کسی بھی جماعت کو شہر میں جلسے کی اجازت نہیں دی جا سکتی۔ انتظامیہ نے ناخوشگوار واقعات سے بچاؤ کے لیے حفاظتی اقدامات سخت کر دیے ہیں اور سیکیورٹی الرٹ جاری کر دیا گیا ہے۔
Read More..
مزید بتایا گیا ہے کہ جلسے میں شامل افغان شہریوں کے حوالے سے سخت کارروائی ہوگی اور ان افراد کو 24 گھنٹے کے اندر ڈی پورٹ کیا جائے گا۔ سرکاری ذرائع کے مطابق یہ فیصلہ شہر کی حفاظت اور امن و امان کی صورتحال کو برقرار رکھنے کے لیے کیا گیا ہے۔
