کوہلو (احمد مری) فرنٹیئر کور نارتھ اور کمانڈنٹ میوند بریگیڈ کرنل فاروق اشرف کی خصوصی ہدایت پر ضلع کوہلو کے دور افتادہ اور پسماندہ علاقے تھریمن میں ایک روزہ فری میڈیکل کیمپ کا کامیاب انعقاد کیا گیا اس فلاحی اقدام کا مقصد ان شہریوں کو علاج معالجے کی بنیادی سہولیات ان کی دہلیز پر فراہم کرنا تھا جو دشوار گزار راستوں اور وسائل کی کمی کے باعث صحت کی سہولتوں سے محروم تھے کیمپ میں ایف سی کے سینئر میڈیکل آفیسر ڈاکٹر علی اور تجربہ کار میڈیکل ٹیم نے حصہ لیا جنہوں نے عوامی خدمت کے جذبے کے ساتھ دن بھر مریضوں کا معائنہ کیا ایک روزہ کیمپ میں 250 سے زائد مرد، خواتین اور بچوں کا مفت علاج کیا گیا
مریضوں کو فری ادویات کے ساتھ ساتھ بلڈ پریشر، شوگر، ملیریا، ایچ بی اور دیگر ٹیسٹوں اور مف ادویات کی سہولت فراہم کی گئی۔ خواتین کے لیے الگ سیکشن قائم کیا گیا کیمپ کی نگرانی 76 ونگ کے کرنل سلمان خالد نے کی انہوں نے اس موقع پر انتظامات کا جائزہ لیا اور میڈیکل ٹیم کی کارکردگی کو سراہتے ہوئے کہا کہ ایف سی بلوچستان نارتھ عوام کی خدمت کے عزم پر کاربند ہے ان کا کہنا تھا کہ ایف سی نہ صرف امن و امان کے قیام میں صف اول پر ہے بلکہ عوامی فلاح صحت، تعلیم اور سماجی بہبود کے شعبوں میں بھی اپنا بھرپور کردار ادا کر رہی ہے اس موقع پر علاقے کے عمائدین اور عوام کی بڑی تعداد موجود تھی جنہوں نے ایف سی نارتھ اور میوند بریگیڈ کے اس فلاحی اقدام کو زبردست خراج تحسین پیش کیا
مقامی لوگوں کا کہنا تھا کہ تھریمن جیسے دشوار گزار علاقے میں فری میڈیکل کیمپ کا انعقاد عوامی خدمت کی ایک روشن مثال ہے جس سے فورسز اور عوام کے درمیان اعتماد اور بھائی چارے کا رشتہ مزید مضبوط ہوا ہے علاقہ مکینوں نے مطالبہ کیا کہ ایف سی بلوچستان کی جانب سے ایسے فری میڈیکل کیمپس کا سلسلہ دیگر دیہی و کوہستانی علاقوں تک بھی بڑھایا جائے تاکہ زیادہ سے زیادہ عوام کو صحت کی سہولیات ان کے گھر کی دہلیز پر میسر آ سکیں۔
