چارسدہ: تھانہ مندنی کی حدود میں، مندنی ٹو تخت بھائی روڈ کے قریب ہنیف پٹرول پمپ کے پاس نامعلوم موٹرسائیکل سواروں نے فائرنگ کر کے مولانا عبدالسلام کو قتل کر دیا۔
پولیس کے مطابق واقعے کی تحقیقات مختلف پہلوؤں سے جاری ہیں۔ مقتول کی لاش کو پوسٹ مارٹم کے لیے سول اسپتال جمال آباد منتقل کر دیا گیا۔
مولانا عبدالسلام تحصیل تنگی اینگر باڑی بند کے مدرسہ ابوبکر صدیق کے مہتمم تھے اور جمعیت علمائے اسلام کے صوبائی شوریٰ کے رکن بھی تھے۔
پولیس نے واقعے کی مذمت کی اور علاقے میں سیکورٹی بڑھانے کے لیے اضافی نفری تعینات کی۔
