آبی جارحیت: بھارتی ڈیموں کی تفصیلات سامنے آ گئیں
ویب ڈیسک – پنجاب: بھارت کے ڈیموں میں پانی کی سطح میں مسلسل اضافہ کے بعد پنجاب میں سیلابی صورتحال کا خطرہ بڑھ گیا ہے۔ ڈی جی پی ڈی ایم اے پنجاب، عرفان علی کاٹھیا کا کہنا ہے کہ پی ڈی ایم اے صوبے بھر کی صورتحال کو لمحہ بہ لمحہ مانیٹر کر رہا ہے تاکہ ممکنہ خطرات کا فوری تدارک کیا جا سکے۔
پونگ ڈیم (بیاس) پر پانی کی سطح 1394.51 فٹ ریکارڈ کی گئی ہے، اور یہ سطح مسلسل بلند ہو رہی ہے۔ ڈیم میں پانی کی آمد 132,595 کیوسک اور اخراج 100,000 کیوسک پر ہے۔
دریائے ستلج پر واقع بھاکرا ڈیم میں پانی کی سطح 1679 فٹ تک پہنچ گئی ہے، جو زیادہ سے زیادہ سطح کے قریب ہے۔ پانی کی آمد 95,400 کیوسک اور اخراج 73,459 کیوسک ہے۔
ہریکے ہیڈ ورکس (ستلج و بیاس سنگم) پر پانی کی آمد 347,500 کیوسک ریکارڈ کی گئی ہے، جبکہ اخراج 330,677 کیوسک ہے اور بہاؤ میں مسلسل اضافہ جاری ہے۔
ڈی جی پی ڈی ایم اے نے عوام سے اپیل کی ہے کہ وہ ممکنہ سیلابی خطرات سے متعلق حکومتی ہدایات پر عمل کریں اور محفوظ مقامات پر منتقل ہونے کے لیے تیار رہیں۔
