بحرین کا ویزا حاصل کرنیکا طریقہ کیا؟ جانیے
بحرین نے پاکستانی شہریوں کیلئے ویزا حاصل کرنیکا آسان طریقہ متعارف کرا دیا ہے، جس سے سیاحتی ویزا حاصل کرنا اب پہلے سے کہیں زیادہ سہل ہو گیا ہے۔
بحرین کی وزارت داخلہ کے ادارہ قومیت، پاسپورٹ اور رہائشی امور (NPRA) نے ای ویزا سروس کا آغاز کیا ہے، جس کے تحت پاکستانی شہری آن لائن درخواست دے سکتے ہیں۔
بحرین وزٹ ویزا کی تین اقسام ہیں،جن میں دو ہفتے کا سنگل انٹری ویزا، تین ماہ کا ملٹیپل انٹری ویزا اور ایک سالہ ملٹیپل انٹری ویزا شامل ہیں۔
ویزا کے لیے ضروری دستاویزات میں پاسپورٹ کی کاپی، ہوٹل کی بکنگ یا میزبان کے ID ریڈر کی کاپی، ریٹرن ٹکٹ اور 3 ماہ کی بینک اسٹیٹمنٹ (کم از کم 1000 ڈالر بیلنس) شامل ہیں۔
فیس کی تفصیلات:
2 ہفتے والے ویزا کی فیس (تقریباً 7513 روپے) دس بحرینی دینار
3 ماہ والے ویزا کی فیس(تقریباً 12772 روپے) 17 بحرینی دینار
ایک سالہ ویزا کی فیس(تقریباً 33809 روپے) 45 بحرینی دینار
