پشاور میں یونیورسٹی روڈ پر واقع کاؤنٹر ٹیرر ازم ڈیپارٹمنٹ (سی ٹی ڈی) تھانے کے اسلحہ خانے میں اچانک دھماکا ہوا، جس کے نتیجے میں ایک اہلکار شہید اور دو زخمی ہوگئے۔
سی سی پی او پشاور کے مطابق ابتدائی تحقیقات سے معلوم ہوا ہے کہ دھماکا اسلحہ خانے میں رکھے پرانے دھماکا خیز مواد کے پھٹنے سے ہوا۔ دھماکے کے بعد آگ لگ گئی جو دیگر گولہ بارود تک پھیل گئی، جس سے مزید دھماکے ہوئے اور عمارت کا ایک حصہ منہدم ہوگیا۔
پولیس حکام کا کہنا ہے کہ تھانے میں موجود ملزمان کو محفوظ مقام پر سی ٹی ڈی ہیڈکوارٹر منتقل کر دیا گیا ہے جبکہ تھانہ اور گرد و نواح کے علاقے کو سیل کر کے کلیئرنس آپریشن جاری ہے۔
Read More..
بی ڈی یو، ریسکیو اور فائر بریگیڈ کی ٹیمیں موقع پر امدادی سرگرمیوں میں مصروف ہیں۔
ابتدائی طور پر یہ واقعہ دہشت گردی کی کارروائی نہیں لگتا۔
