اسلام آباد: نیشنل ایمرجنسیز آپریشن سینٹر نے اسلام آباد، پنجاب اور ملحقہ علاقوں کے لیے بارشوں کا الرٹ جاری کر دیا ہے۔ جاری بیان کے مطابق اگلے 12 سے 24 گھنٹوں کے دوران پنجاب کے مختلف اضلاع بشمول سیالکوٹ، نارووال، لاہور، شیخوپورہ، گجرات، گوجرانوالہ، حافظ آباد، چنیوٹ، فیصل آباد اور سرگودھا میں تیز بارشوں کا امکان ہے۔
اسی طرح اسلام آباد، راولپنڈی، جہلم، چکوال، اٹک، ملتان، خانیوال، بہاولنگر، بہاولپور، رحیم یار خان، ڈیرہ غازی خان اور راجن پور میں بھی وقفے وقفے سے بارش متوقع ہے۔
Read More..
حکام کا کہنا ہے کہ یہ بارشیں سیلاب زدہ علاقوں میں مسائل مزید بڑھا سکتی ہیں، لہٰذا شہری دریاؤں، ندی نالوں اور بجلی کے تاروں سے دور رہیں، غیر ضروری سفر سے گریز کریں اور انتظامیہ کی ہدایات پر عمل کریں۔
