جی ایچ کیو راولپنڈی میں فیلڈ مارشل سید عاصم منیر سے اردن کی مسلح افواج کے چیئرمین جوائنٹ چیفس آف اسٹاف میجر جنرل یوسف احمد نے ملاقات کی۔ آئی ایس پی آر کے مطابق ملاقات میں باہمی دلچسپی کے امور، علاقائی سلامتی اور دفاعی تعاون پر تبادلہ خیال کیا گیا۔
میجر جنرل یوسف احمد نے پاک فوج کی پیشہ ورانہ صلاحیتوں کو سراہا اور کہا کہ پاک فوج کی خدمات خطے میں امن و استحکام کے لیے قابلِ تعریف ہیں۔ فیلڈ مارشل عاصم منیر نے بھی دفاعی تعلقات کو مزید مضبوط بنانے کے عزم کا اعادہ کیا اور مشترکہ سکیورٹی چیلنجز سے نمٹنے کے لیے تعاون کی اہمیت پر زور دیا۔
