عاطف اسلم کا راج ختم،طلحہ انجم میوزک کنگ بن گئے
طلحہ انجم نے عاطف اسلم کو پیچھے چھوڑتے ہوئے 2024 کے سب سے زیادہ سنے جانیوالے مقامی فنکار بن گئے ہیں۔ عاطف اسلم گذشتہ 3 سالوں سے سپاٹی فائے پر راج کر رہے تھے۔سپاٹی فائی کی جانب سے (2024) میں پاکستان کے مقبول ترین فنکاروں، گانوں اور ٹرینڈز کی جاری کی گئی فہرست میں ریپر طلحہ انجم پہلے نمبر پر ہیں، عمیر دوسرے اور عاطف اسلم تیسرے نمبر پر ہیں جب کہ 1997 میں اس دنیا کو چھوڑ کر چلے جانیوالے ’شہنشاہ قوالی‘ نصرت فتح علی خان آج بھی اس ریس میں نہ صرف شامل ہیں بلکہ ٹاپ فائیو میں بھی شامل ہیں۔دنیا بھر میں مقبول آن لائن آڈیو میوزک سٹریمنگ پورٹل سپاٹی فائے کے مطابق اس سال مقامی میوزک سننے والوں میں چوون (54)فی صد اضافہ بھی ہوا ہے۔
پاکستان میں سب سے زیادہ سنے جانیوالے عالمی فنکاروں کی فہرست میں ارجیت سنگھ نے اپنی حکمرانی برقرار رکھی ہے۔ انکے بعد پریتم، شبھ، کرن اوجلااور سدھو موسے والا شامل ہیں، جو اس فہرست کے ٹاپ فائیو میں جگہ بنانے میں کامیاب رہے۔عمیر ،طلحہ انجم اور عاطف اسلم بھی اس فہرست میں چھٹے، نویں اور دسویں نمبر پر موجود ہیں، جو پاکستان کی مقامی موسیقی کی مقبولیت کو ظاہر کرتے ہیں۔2024 میں جس مقامی گانے کو پاکستانیوں کیجانب سے سب سے زیادہ سنا اور پسند کیا گیا، وہ مانو اور انورال خالد کا گانا جھول قرار پایا۔
انو جین کا گانا حسن پاکستان میں بین الاقوامی فنکاروں کا سب سے زیادہ سنا جانیوالا گانا رہا، جب کہ اس فہرست میں ’جھول‘ دوسرے اور انو جین کا ہی ایک اور گانا ’جو تم میرے ہو‘ تیسرے نمبر پر موجود ہے۔پاکستانی فنکاروں کے مقبول ترین البمز کی فہرست میں ہپ ہاپ، صوفی اور پاپ موسیقی کا منفرد امتزاج دیکھنے میں آیا۔ اس فہرست میں عمیر کا ’راک سٹار وِدآؤٹ اے گٹار‘ سب سے آگے رہا، جب کہ طلحہ انجم کا چارٹ ٹاپنگ ’اوپن لیٹر‘ دوسرے نمبر پر اور عمران خان کا ’انفارگیٹ ایبل‘ تیسرے نمبر پر رہا۔انکے ساتھ نصرت فتح علی خان کا ’ریفارمڈ‘ اور عاصم اظہر کا بے مطلب بھی فہرست میں شامل ہیں۔
