ملک میں انٹرنیٹ پھر سست روی کا شکار
ملک کے مختلف حصوں میں انٹرنیٹ پھر سست روی کا شکار ہوگیا جسکے نتیجے میں صارفین کو مشکلات کا سامنا ہے۔سوشل میڈیا ایپس پر نہ صرف ویڈیوز اور تصویریں ڈاؤن لوڈ نہیں ہورہیں بلکہ انٹرنیٹ پر دیگر ویب سائٹس کی براؤزنگ بھی سست روی کا شکار ہے۔کئی علاقوں میں وائی فائی سروس بھی متاثر ہے جسکی وجہ سے صارفین کو اپ لوڈنگ اور ڈاؤن لوڈنگ میں مسائل درپیش ہیں۔آن لائن کلاسز ،آن لائن کاروبار اور سفر کیلیے رائیڈز بک کرنے میں بھی مشکلات پیش آرہی ہیں۔
فوڈ ڈیلیوری رائیڈرز، اور online ٹیکسی سروس سے جڑے دیہاڑی داروں کو اپنا روزگار خطرے میں دکھائی دے رہا ہے۔ڈیجیٹل معیشت کے دور میں internet کی بندش سے ای کامرس کا شعبہ شدید متاثرہوا ہے، بزنس مین دوسرے ملکوں سے شپمنٹ منگوانے اور بھیجنے والوں کو بھی پریشانی کا سامنا ہے۔IT ماہرین کے مطابق انٹرنیٹ کی سست روی اور بندش کے باعث پاکستانی معیشت کو یومیہ اربوں روپے کا نقصان ہو رہا ہے۔ صرف پاکستانی ٹیلی کام سیکٹر کا منافع 3 ارب روپے یومیہ ہے لیکن انٹرنیٹ سست روی کیوجہ سے شعبہ شدید متاثر ہے ۔