پاک ایران گیس پائپ لائن اور امریکی پابندیاں
پاکستان نے پاک ایران گیس پائپ لائن منصوبے پر امریکی پابندیوں کیخلاف استثنا لینے کیلیے سفارتی کوششیں تیز کرنیکا امکان ہے.حکومتی ذرائع کا کہنا ہے کہ پاکستان اس منصوبے کو مکمل کرنے کیلیے پُرعزم ہے اور توانائی بحران کے پیش نظر پابندیوں کا مزید متحمل نہیں ہوسکتا۔ذرائع کے مطابق، پاکستان نے امریکہ کو قائل کرنیکا منصوبہ بنایا ہے کہ ایران گیس منصوبے پر پابندیاں ختم کی جائیں۔اس مقصد کیلیے بھرپور لابنگ اور مؤثر دلائل پیش کئے جائینگے
تاکہ استثنا حاصل کیا جا سکے۔حکومتی عہدیداروں کے مطابق نگران حکومت نے پہلے ہی پاکستانی سرزمین پر اسی کلومیٹر طویل گیس پائپ لائن کی تعمیر کی منظوری دیدی تھی، تاہم جیوپولیٹیکل صورتحال کے پیش نظر امریکی پابندیوں کیخلاف درخواست دائر کرنیکا منصوبہ موخر کر دیا گیا تھا۔زرائع نے مزید بتایا کہ پاکستان کا ارادہ ہے کہ ٹرمپ انتظامیہ کے سامنے ایران گیس منصوبے پر پابندیوں کا مسئلہ مؤثر انداز میں اٹھایا جائے۔ اس کیلیے سیاسی اور تکنیکی دلائل کا سہارا لیا جائیگا
تاکہ منصوبے کی تکمیل ممکن ہو سکے۔ماہرین کا کہنا ہے کہ پاک ایران گیس منصوبہ پاکستان کے توانائی بحران کو کم کرنے کیلیے نہایت اہمیت کا حامل ہے۔ اگر امریکہ اپنی پابندیوں میں نرمی کرے تو یہ نہ صرف پاکستان بلکہ خطے کیلئے بھی ایک مثبت قدم ہوگا۔پاکستانی حکومت کی ان سفارتی کوششوں کا نتیجہ آنیوالے دنوں میں واضح ہوگا