بنوں میں خوارجیوں کا چیک پوسٹ پر حملہ، 12 جوان شہید
بنوں میں خوارجیوں کی جانب سے چیک پوسٹ پر حملے کے نتیجے میں بارہ جوان شہید اور چھ خوارجی ہلاک ہوگئے۔تفصیلات کے مطابق آئی ایس پی آر کیجانب سے کہا گیا کہ بنوں کے علاقے مالی خیل میں خوارجیوں نے چیک پوسٹ پر حملہ کیا، اس دوران فائرنگ کے شدید تبادلے میں چھ خوارجی مارے گئے۔آئی ایس پی آر کا کہنا ہے کہ خوارجیوں نے بارود سے بھری گاڑی عمارت کی دیوار سے ٹکرائی، خودکش دھماکے میں بارہ اہلکار شھید ہوگئے جب کہ دھماکے کے نتیجےمیں انفرااسٹرکچرمتاثر ہوا۔ترجمان نے بتایا کہ شہدامیں سکیورٹی فورسز کے دس جوان اورایف سی کے دو اہلکارشامل ہیں
تاہم علاقے میں ممکنہ خارجیوں کے خاتمے کیلیے کلیئرنس آپریشن جاری ہے۔آئی ایس پی آر نے کہا کہ سکیورٹی فورسز اور قانون نافذ کرنیوالے ادارے دھشتگردی کے خاتمے کے لیے پرعزم ہیں، جوانوں کی قربانیاں ہمارے عزم کو مزید تقویت دیتی ہیں۔یاد رہے بنوں کے علاقے بکاخیل میں انٹیلی جنس بیسڈ آپریشن کے دوران فائرنگ کے تبادلے میں آٹھ خارجی ہلاک جب کہ سات زخمی ہوئے تھے، فائرنگ کے تبادلے کے دوران میجر عاطف خلیل دو جوانوں سمیت شہید ہوگئے تھے۔
