کوئٹہ ،کورکی مقامی قبائل اور دہشتگردوں میں جھڑپ ،4دہشتگرد ہلاک 2زخمی
بلوچستان کے علاقے کورکی میں فتنہ الہندوستان سے منسلک دہشتگردوں نے پُرامن شہریوں پر حملہ کیا۔ ڈان نیوز کے مطابق مقامی قبائل کے بارہا اصرار اور مطالبے کے باوجود دہشتگردوں نے علاقہ خالی کرنے سے انکار کر دیا۔
کلی آدم زئی کور کی خواتین نے قرآن کا واسطہ دے کر دہشتگردوں کو جانے کے لیے کہا، تاہم انہوں نے انکار کرتے ہوئے مقامی خواتین کو مسلسل ہراساں کیا۔
Read More..
دہشتگردوں کے بڑھتے ہوئے مظالم کے خلاف قبائل نے اپنے دفاع کا فیصلہ کیا، جس کے نتیجے میں شدید جھڑپ ہوئی۔ جھڑپ کے دوران 4 دہشتگرد ہلاک جبکہ 2 زخمی ہوگئے۔
مقامی قبائل کی جانب سے بہادری سے مقابلہ کرتے ہوئے ایک شخص شہید اور 2 زخمی ہوئے۔ علاقے میں صورتحال کشیدہ مگر قابو میں بتائی جارہی ہے۔
