خاران میں معدنیات لے جانے والے ٹرک پر مسلح افراد کی فائرنگ
خاران میں معدنیات لے جانے والے ٹرک پر مسلح افراد کی فائرنگ
خاران سی پیک روڈ پر مسلح افراد کا کرومائیٹ سے لوڈ ٹرک گاڑی پر حملہ۔ ذرائع کے مطابق نامعلوم مسلح افراد نے افطاری سے قبل سی پیک روڑ تنک کراس کے قریب کرومائیٹ لے جانے والے ٹرک پر فائرنگ کردی، فائرنگ کے نتیجے میں ایک شخص زخمی ہوا فائرنگ سے ٹرک کے شیشے و دیگر حصوں کو نقصان پہنچا، حملے کی اطلاع ملنے کے بعد لیویز نے جائے وقوعہ پر پہنچ تحقیقات کا آغاز کردیا جبکہ نامعلوم مسلح افراد فرار ہونے میں کامیاب ہوگئے،واضح رہے کہ کرومائیٹ سے لوڈ ٹرک کراچی جارہا تھا۔ یاد رہے کہ ایک ماہ میں خاران میں قیمتی پتھر لیجانے والی گاڑیوں پر حملوں کا یہ دوسرا واقعہ ہے۔ اس سے قبل اسی روٹ پر کنری کراس کے قریب سیندک کے ٹرالروں کو نشانہ بنایا گیا تھا جس میں ایک شخص ہلاک اور ایک زخمی ہوگیا تھا۔
